Asudə Cəfərova Neftçala rayon komitəsində nə işlər qarışdırır... - İLGİNC İDDİALAR

Neftçaladan aldığımız məlumatlarda Təhsil İşçiləri Azad Həmkarlar İttifaqı Neftçala rayon Komitəsinin sədri Asudə Cəfərova İttifaqın rəhbərliyi səviyyəsində həyata keçirilən əksər maxinasiyaların ən fəal iştirakçılarından biri olduğu vurğulanır.

Prezident İlham Əliyevin təhsilin inkişafına göstərdiyi diqqət və qayğı son dövrlərdə dövlət siyasətinin mühüm prinsipləri sırasına daxil edilmişdir. Bu proses təkcə paytaxt ilə məhdudlaşmır, bölgələri də əhatə edir. Təsadüfi deyil ki, son bir neçə ildə ölkəmizdə heç bir dövrdə olmayan qədər məktəb binası tikilmiş, bir çox məktəb binaları üçün yeni korpuslar inşa olunmuş, bir çox məktəblər əsaslı şəkildə təmir edilmişdir. Bu proses ən ucqar bölgələrimizi də əhatə etmişdir. Məktəblərin maddi-texniki bazasının gücləndirilməsi istiqamətində də mühüm işlər görülmüşdür. Təhsil işçilərinə olan dövlət qayğısından əlavə başqa əlaqədar təşkilatlar tərəfindən nə kimi işlər görülür? Bu sual doğurur.

Azərbaycan Təhsil İşçiləri Azad Həmkarlar İttifaqı Neftçala rayon komitəsinin fəaliyyətində ciddi qanun pozuntularının baş verməsi barədə verilən məlumatların nə dərəcədə həqiqətə uyğun olub, olmaması barədə qısa bir araşdırma apardıq. Apardığımız araşdırmadan belə məlum oldu ki, sözügedən Komitəniin xidmətində 30-dən artıq idarə müəssisə və təşkilat var. Bunlar Neftçala rayonunda yerləşən Kollec, Peşə liseyləri, Peşə məktəbləri, Orta ümumtəhsil (əsas, ibtidai, səkkizilliklə birlikdə) məktəbləri, Uşaq bağçaları, Uşaq yaradıcılıq mərkəzləri, Texniki yaradıcılıq mərkəzləri, Uşaq gənclər idman məktəbi, Şahmat məktəbi, Uşaq evi, Təhsil idarəsi və digər bilmədiyimiz qurumlardır. Bu idarə və müəssisələrdə işləyənlərin görün necə nəfəri ittifaqın üzvləridir. Tələbə həmkarlar ittifaqı üzvlərinin sayını da bura əlavə etsək Neftçala rayon komitəsi üzrə ittifaq üzvlərinin sayı 4-5 minə çatar. (Başa düşülən deyil, nədən Neftçala rayon komitəsinin sədri Asudə Cəfərova üzvlərinin sayını "gizlədir", mətbuata acıqlamır? Dövlət sirridir bəlkə!).

Nə isə... Amma və lakin görəsən bu Komitə Neftçala rayonunda təhsil işçiləri üçün nə kimi işlər görüb, görür?

Heç kimə sirr deyil ki, bu gün təhsil işçilərinə, məktəblərə, müəllimlərə, gələcəyimiz olan gənclərə dövlət tərəfindən xüsusi diqqət və qayğı göstərilir. Ölkə başçısı İlham Əliyev cənablarının da, birinci Vitse-prezident Mehriban Əliyevanın da təhsil işçilərinin zəhmətlərinə verdikləri qiymət hər addımda özünü biruzə verir. Bəs, ölkə başçısından və onun xanımından necə, nümunə götürənlər varmı? Neftçalada qayğıya ehtiyacı olan təhsil işçilərinə görəsən Azərbaycan Təhsil İşçiləri Azad Həmkarlar İttifaqı Neftçala rayon komitəsinin sədri Asudə Cəfərovanın payı nə qədərdir?

Məlum olduğu kimi Təhsil İşçiləri Azad Həmkarlar İttifaqının fəaliyyəti əsasən təhsil işçilərinin sosial durumunun, mənzil-məişət şəraitinin yaxşılaşdırılması, müəllimlərin müalicə və istirahətinin təşkili üzərində qurulub. Müəllim əməyinin stimullaşdırılması və qiymətləndirilməsi, təhsil işçilərinin əmək hüquqlarının qorunması və pensiya təminatı sahəsində yaranan problemlərin həlli də birbaşa Həmkarlar Komitəsinin səlahiyyətlərinə aiddir. Bütün sadalananlarla bərabər Neftçala Komitənin fəaliyyətinə birbaşa əhalinin maarifləndirilməsi istiqamətində görülən işlər də daxıldır. Görəsən Azərbaycan Təhsil İşçiləri Azad Həmkarlar İttifaqı Neftçala rayon komitəsinin sədri Asudə Cəfərova bu yöndə son illərdə nə kimi işlər görə bilib? Asudə xanım bir komitə sədri olaraq son vaxtlar Neftçala rayonunun hansı bir orta məktəbinə, hansı bir uşaq bağçasına baş çəkmiş, kollektivlə görüşmüş, həmkarlar itifaqının fəaliyyətini nəzərdən keçirmiş, müəllimlərin sosial problemləri ilə maraqlanmışdır?

Maraqlıdır, görəsən Asudə Cəfərova bir Komitə sədri kimi son illər sosialyönümlü problemlərini həll etdiyi şəhər təhsil işçilərindən birini bizə göstərə bilərmi? Maraqlıdir, görəsən Təhsil İşçiləri Azad Həmkarlar Neftçala rayon komitəsinin sədri Asudə Cəfərova rayon üzrə Təhsil sektorunun müdiri ilə birgə üzv olan hansı təşkilatlara baş çəkmiş, onların problemləri ilə yerində maraqlanmışlar? Adıçəkilən hər iki qurum təhsil müəssisələrində əmək şəraitinin yaxşılaşdırılması yönündə nə kimi maarifləndirmə işləri aparmışlar? Görəsən, Təhsil İşçiləri Azad Həmkarlar İttifaqı Neftçala rayon komitəsinin sədri son illər hansı bir xəstə müəllimin xaricdə əməliyyat pulunu öz üzərinə götürüb, yaxud onun müalicəsinə köməklik göstərib, istirahətini təşkil edib? İstirahət demişkən, onu təşkil edər. Amma xəstələri deyil, sağlam adamları, sanatoriya biletinin yarı qiymətinə.

Verilən məlumatlara görə Asudə Cəfərovanın gördüyü işlər ancaq kağız üzərindədir.. İlk baxışdan burada hər şeyin qaydasında olduğu qənaətinə gəlmək olar. Lakin Komitə tərəfindən olunan yardımlar, tədbirlər üçün ayrılan cüzvi bir hissəsindən savayı əksər vəsaitlər yalnız kağız üzərində olduğu bildirilir. Bunu aidiyyatı qurumlar araşdırsa daha yaxşı olardı və çox qanunsuqlar üzə çıxardı. Əslində Təhsil İşçiləri Azad Həmkarlar İttifaqı Respublika Komitəsinin səıdri Səttar Mehbalıyev də bunu çox gözəl bilir ki, Asudə Cəfərova hər şeyi kağız üzərində tənzimləyir. Lakin ona heç nə demir. Çünki Asudə Cəfərova uzaq da olsa Neftçaladan paytaxta Komitə sədrini "görməyə" tez-tez gedir.

Bir şözlə, hər yerdə olduğu kimi Təhsil İşçiləri Azad Həmkarlar İttifaqı Neftçala rayon komitəsinin sədri Asudə Cəfərovanın fəaliyyəti də müəllimlərin qayğı və problemlərinin həllinə deyil, bir neçə vəzifəlinin şəxsi məqsədlərinə xidmət edir. Burada Neftçala rayonu üzrə təhsil sektorunun və Təhsil İşçiləri Azad Həmkarlar İttifaqı Neftçala rayon Komitəsinin müdirlərınin birgə fəaliyyəti, yəni komitə sədri və təhsil sektorunun müdir tandemi əsas rol oynayır. Azərbaycan Təhsil İşçiləri Azad Həmkarlar İttifaqı Respublika Komitəsinin və Azərbaycan Həmkarlar İttifaqları Konfederasiyasının sədr Millət Vəkili Səttar Mehbalıyev də həmişə olduğu kimi bu tandemin başında duraraq gizli bir trio təşkil edir.

Ardı var...

Qarşı tərəfin də mövqeyini dərc etməyə hazırıq.

Qaynarxeber.az

Tarix: 6-10-2023, 10:54 Oxunub: 279

Bölməyə aid digər xəbərlər

17-07-2023, 13:40 Lənkəran rayon Liman şəhər 1 nömrəli tam orta məktəbinin direktoru S.Ağayevanın haqqında qaldırılan iddialarla bağlı TƏKZİB

20-02-2023, 17:12 ÜZ AYDA ÜC İLİN İŞİNİ GÖRƏN MƏKTƏB DİREKTORU - Pedaqoq-alim Sevər xanım Agayeva

11-03-2021, 14:49 SƏNƏDSİZ EVLƏR PROBLEMİ İLİN SONUNADƏK HƏLL OLUNACAQ? - Rəsmi açıqlama və ekspert rəyi

7-01-2021, 19:57 Azərbaycan dünyanın mədəni xəzinəsinə öz töhvəsini vermiş nadir ölkələrdəndir - Tural Hüseynli

8-09-2020, 16:16 Valeh Mamedov: "Ulu öndər Heydər Əliyevin dövlət, millət qarşısındakı xidmətləri zaman keçdikcə daha aydın görünür"

29-07-2020, 16:01 Spiker seçicilərinin müraciətlərini dinlədi - FOTO

27-07-2020, 23:21 İlham Əliyev yeni təhsil nazirini qəbul etdi - YENİLƏNİB + FOTO/VİDEO