Sabunçudakı 307 nömrəli tam orta məktəbdə üzə çıxan problemlər təhsil mühitini zədələyir - MÖVQE

Bakının Sabunçu rayonundakı 307 nömrəli tam orta məktəbin direktoru Nizami Qasımzadənin rəhbərliyi altında fəaliyyət göstərən təhsil müəssisəsi son illərdə müxtəlif tənqidi baxışların obyektinə çevrilmişdir. Valideynlərin, müəllimlərin və bəzən şagirdlərin narazılıqları artıq səssiz qala bilmir. Təhsil cəmiyyətin bünövrəsi olduğu halda, rəhbərlik problemləri ictimai diqqətdən kənarda saxlamaga calışır.

Düzdür, Nizami müəllimin rəhbərliyi altında az da olsa məktəbdə tədrisin keyfiyyətinin artırılması məqsədilə tədbirlər həyata keçirilmişdir. Məsələn, 2024/2025-ci tədris ilinin I yarımili üzrə Pedaqoji Şura iclasında şagirdlərin akademik göstəricilərində əvvəlki illərlə müqayisədə artım müşahidə olunduğu bildirilmişdir. Lakin məktəbdə tədrisin keyfiyyətinin davamlı olaraq yüksək səviyyədə saxlanması ücün əlavə tədbirlərin görülməsi canki unudulub.

Məktəb rəhbərliyi tərəfindən vətəndaş qəbulu təşkil edilmiş və bu prosesdə elektron sistemlər üzrə maarifləndirmə işinin təşkili nəzərdə tutulmuşdur. Ancaq bəzi valideynlər və şagirdlər tərəfindən məktəb rəhbərliyi ilə əlaqə qurmaqda çətinliklər yaşandığı bildirilmişdir. Bu vəziyyət, məktəb rəhbərliyinin kommunikasiya kanallarının daha da təkmilləşdirilməsini tələb edir.

Təəssüf ki, məktəb rəhbərliyi müəyyən məsələlərə yanaşmalarını daha şəffaf və inklüziv etmir. Məsələn, tədris proqramlarının və qiymətləndirmə metodlarının şagirdlərin fərdi ehtiyaclarına uyğunlaşdırılması məktəb rəhbərliyinin diqqət yetirməli olduğu sahələrdən biridir. Həmçinin, müəllimlərin peşəkar inkişafı üçün daha geniş təlim və seminarların təşkil edilməsi tədris keyfiyyətinin artırılmasına töhfə verə bilər.

Məktəbdə yaradılan sosial-psixoloji mühitin zəifliyi, həm şagirdlərin, həm də müəllimlərin emosional durumuna təsir göstərir. Psixoloq xidmətlərinin formal şəkildə fəaliyyət göstərməsi, şagirdlərin və müəllimlərin ehtiyaclarının dinlənilməməsi məktəb mühitində ümumi narazılıq yaradır. Direktordan gözlənilən isə belə halların qarşısını almaq üçün effektiv tədbirlər görməkdir.

Qeyd edək ki, Nizami Qasımzadənin rəhbərliyi ilə Sabunçudakı 307 nömrəli tam orta məktəbdə üzə çıxan bu problemlər, təəssüf ki, təhsil mühitini zədələyir. Bir təhsil müəssisəsinin az da olsa uğurları olsa da əsas göstərici oradakı tədrisin keyfiyyəti, pedaqoji mühit və idarəetmənin effektivliyinin cox aşagı səviyyədə olmasıdır. Bu səbəbdən, aidiyyəti qurumların vəziyyəti araşdırması və zəruri islahatlar aparması zəruridir. Təhsil bir xalqın gələcəyidir. Ona görə də hər bir məktəbdə şəffaflıq, ədalət və inkişaf yönümlü idarəetmə prinsipləri hökm sürməlidir. Əks halda, belə məktəblər cəmiyyətin inkişafına deyil, durğunluğuna xidmət etmiş olar.

Qarşı tərəfin də mövqeyini dərc etməyə hazırıq.

Ardı var.

QaynarXeber.az

Tarix: 27-05-2025, 14:21 Oxunub: 318

Bölməyə aid digər xəbərlər

16-04-2025, 17:35 “Uğur 777” klinikası ilə bağlı narahatlıqlar artır: xəstələrin şikayətləri səngimir - FOTOLAR

31-01-2025, 12:27 Sevda Abdullayeva: "Qarşıda böyük layihələr və inkişaf tendensiyaları durur "

17-07-2023, 13:40 Lənkəran rayon Liman şəhər 1 nömrəli tam orta məktəbinin direktoru S.Ağayevanın haqqında qaldırılan iddialarla bağlı TƏKZİB

20-02-2023, 17:12 ÜZ AYDA ÜC İLİN İŞİNİ GÖRƏN MƏKTƏB DİREKTORU - Pedaqoq-alim Sevər xanım Agayeva

6-08-2021, 17:06 "YALNIZ VƏ YALNIZ KÖKLÜ İSLAHATLARLA CİDDİ İQTİSADİ YÜKSƏLİŞƏ CATMAQ MÜMKÜNDÜR" - İqtisadcı

27-07-2020, 23:21 İlham Əliyev yeni təhsil nazirini qəbul etdi - YENİLƏNİB + FOTO/VİDEO

24-07-2020, 10:58 “Expressbank” 2020-ci ilin altı ayını 6,5 milyon manatdan artıq xalis mənfəətlə tamamladı

24-07-2020, 09:42 İlham Əliyevin yanında su təsərrüfatının vəziyyətinə həsr olunmuş müşavirə keçirildi - YENİLƏNİB + FOTO/VİDEO