Paytaxtda yaşayanların çoxları qəbir yerlərindən asılı olaraq, neçəyə satılmasından xəbərdardır. Təbii ki, rəsmilər qəbir yerlərinin satılmasını etiraf etməsələr də, ölüsünü basdırmaq istəyən hər kəs qəbiristanlıqda açıq bazarla qarşılaşmalı olur. Ümumiyyətlə, Bakıda son illərdə oturuşmuş bir “qəbir yeri bazarı” formalaşıb ki, artıq şəhər sakinlərinin əksəriyyəti ayrı-ayrı qəbiristanlıqlarda məzar yerinin qiymətindən də xəbərdardır.

Qeyri-rəsmi rəqəmlərə görə, ən ucuz qəbir yerinin qiyməti 140, ən baha 7 min manatdır. Bakının mərkəzindəki qəbir yerləri dolduğundan indi ölüsünü basdırmaq istəyənlər paytaxtdan kənara üz tutmaq məcburiyyətində qalırlar. Paytaxtla müqayisədə Bakıdan kənarda qəbir yerləri nisbətən ucuzdur. Məsələn, Bakıda 200 manatdan 8 min manata qədər qəbir yerləri satılsa da, bir qədər paytaxtdan kənarda, məsələn, Biləcəri qəbiristanlığında 1 kvadratmetrin qiyməti 400-500 manat arasında dəyişir. Ən yaxşı qəbir yerinin 1 kvadratmetri 800-1000 manatdan ucuz deyil. Badamdar qəbiristanlığında 800-2000 manat, Günəşli qəbiristanlığında bu məbləğ 600-1500 manat, Qaraçuxur qəbiristanlığında 200-1000 manat, “Qurd
qapısı” qəbiristanlığında 2000-3000 manat civarında satılır. Ən ucuz yer Hövsandadır. Burada 150-300 manata da yer almaq mümkündür. Xırdalan qəbiristanlığında isə 800-1500 manata məzar yerləri var.

Qaynarxeber.az xəbər verir ki, Xırdalan qəbiristanlığı həm də acınacaqlı durumdadır. Burada qəbirlərin çoxsu baxımsız, otların altında qalıb. Nizamsız salınan məzarlar qəbiristanlıqda hərəkəti də mümkünsüz edib. Bəzi qəbirlər elə hala düşüb ki, onun yerini müəyyən etmək belə mümkün deyil. Qəbiristanlığa çəkilən yol yağışın yağması nəticəsində yarasız hala düşüb. Əraziyə baxanda elə təəssürat yaranır ki, qəbirstanlığı nə təmizləyən var, nə də nəzarət edən.

Bütün bunlar və qəbrstanlıgın müdiri Mahir adlı şəxs barədə redaksiyamızı məlumatlandıran şikayətcinin iddialarını araşdırıq. Bizi izləyin!